.
Dr.Santhosh Babu M R
Senior Medical Consultant(PM&R) & Diabetologist.
Dr.Karuna M S
Consultant in Clinical Nutrition.
“എനിക്ക് Vitamin D കുറവാണ്… എത്ര IU കഴിക്കണം?” .
ഇന്ന് ക്ലിനിക്കിൽ പതിവായി കേൾക്കുന്ന ചോദ്യമാണിത്.
Vitamin D നമ്മുടെ എല്ലുകളുടെയും പേശികളുടെയും ആരോഗ്യത്തിന് പ്രധാനപ്പെട്ട ഒരു vitamin ആണ്.
എന്നാൽ Vitamin Dയെക്കുറിച്ച് പല തെറ്റിദ്ധാരണകളും നിലനിൽക്കുന്നുണ്ട്.
എല്ലാ ക്ഷീണത്തിനും ശരീരവേദനയ്ക്കും Vitamin D കുറവാണെന്ന് കരുതുന്നതും, പരിശോധനയില്ലാതെ ഉയർന്ന dose Vitamin D കഴിക്കുന്നതും ശരിയായ സമീപനമല്ല.
1. Vitamin D എന്തിനാണ് വേണ്ടത്?
-Vitamin D പ്രധാനമായും:
Calcium, phosphorus എന്നിവയുടെ ആഗിരണം സഹായിക്കുന്നു.
-എല്ലുകളുടെ ശക്തി നിലനിർത്തുന്നു.
-കുട്ടികളിൽ വിറ്റാമിന് ഡി കുറവ് റിക്കറ്റ്സ്(Rickets) എന്ന രോഗത്തിന് കാരണമാകുന്നു. വളർച്ച കുറവ്, പൊക്ക കുറവ്, ആസ്ഥി വൈകല്യങ്ങൾ എന്നിവയാണ് ഈ അവസ്ഥയുടെ ലക്ഷണങ്ങൾ.
-മാത്രമല്ല മുതിർന്നവരിൽ Vitamin D വളരെ കുറയുമ്പോൾ (Vitamin D Defficiency), Osteomalacia അഥവാ അസ്ഥിമൃദുത്വം എന്ന അവസ്ഥക്ക് കാരണമാകുന്നു.
-അതുകൊണ്ട് bone health, muscle health, fall and fracture prevention, പല്ലിൻറെ ആരോഗ്യം(Dental Health) എന്നിവയിൽ Vitamin Dയ്ക്ക് പ്രധാനപ്പെട്ട പങ്കുണ്ട്.
-പേശികളുടെ സാധാരണ പ്രവർത്തനത്തിന് Vitamin D ആവശ്യമാണ്.
2. നമ്മുടെ ശരീരത്തിന് Vitamin D എവിടെ നിന്നാണ് ലഭിക്കുന്നത്?
"Vitamin Dയുടെ പ്രധാന ഉറവിടം സൂര്യപ്രകാശമാണ്.
സൂര്യപ്രകാശത്തിലെ UV-B കിരണങ്ങൾ ചർമ്മത്തിൽ Vitamin D നിർമ്മിക്കാൻ സഹായിക്കുന്നു. എന്നാൽ പ്രായം, ചർമ്മത്തിന്റെ നിറം, വസ്ത്രധാരണം, sunscreen ഉപയോഗം, സൂര്യപ്രകാശം ലഭിക്കുന്ന സമയം, ജീവിതശൈലി എന്നിവയെല്ലാം Vitamin D നിർമ്മാണത്തെ ബാധിക്കും.
രാവിലെ 11 മണിക്കും ഉച്ച തിരിഞ്ഞു 3 മണിക്കും ഇടയ്ക്കുള്ള വെയിലാണ് വിറ്റാമിന് D ഉണ്ടാകാൻ ഏറ്റവും നല്ലത്.
പ്രായമായവരിലും ഇരുണ്ട ചർമ്മമുള്ളവരിലും sunlight വഴി Vitamin D ഉണ്ടാകുന്നത് കുറയാം.
ജാലകത്തിലൂടെ വരുന്ന സൂര്യപ്രകാശം മാത്രം Vitamin D നിർമ്മിക്കാൻ മതിയാകില്ല, കാരണം UV-B glass വഴി കാര്യമായി കടന്നുപോകുന്നില്ല.
Obesity ഉള്ളവരിലും Vitamin D inadequacy കൂടുതലായി കാണപ്പെടാം.
3.കേരളത്തിൽ താമസിക്കുന്നവർക്ക് Vitamin D കുറയുമോ?
“കേരളത്തിൽ ധാരാളം വെയിലുണ്ട്, അതുകൊണ്ട് Vitamin D കുറയില്ല” എന്ന ധാരണ ശരിയല്ല.
വെയിൽ ലഭിക്കുന്നുണ്ടെങ്കിലും:
വീട്ടിലും ഓഫീസിലും കൂടുതൽ സമയം ചെലവഴിക്കുക, ശരീരം അധികമായി വസ്ത്രം കൊണ്ട് മൂടുക, ശരീരത്തിൽ സൺസ്ക്രീൻ സ്ഥിരമായി ഉപയോഗിക്കുക, outdoor activity കുറയുക, പ്രായം കൂടുക, obesity, ചില malabsorption disorders
തുടങ്ങിയ കാരണങ്ങൾ Vitamin D status-നെ ബാധിക്കാം.
4. Vitamin D കുറവിൻറെ ലക്ഷണങ്ങൾ എന്തൊക്കെയാണ്?
മിക്കവാറും ഒരു ലക്ഷണവും കാണണം എന്നില്ല.
എന്നിവ ഉണ്ടാകാം.
എന്നാൽ ക്ഷീണം, ശരീരവേദന, back pain, joint pain എന്നിവ മാത്രം കണ്ടിട്ട് Vitamin D deficiency എന്ന് തീരുമാനിക്കാനാവില്ല.
ഇവയ്ക്ക് osteoarthritis, rheumatoid arthritis, thyroid disorders, anaemia, sleep problems, physical inactivity തുടങ്ങി നിരവധി കാരണങ്ങളുണ്ടാകാം.
5.Vitamin D test എല്ലാവർക്കും വേണമോ?
ഇവിടെയാണ് ഒരു പ്രധാന മാറ്റം.
2024-ലെ Endocrine Society guideline പ്രകാരം, പ്രത്യേക risk factors ഇല്ലാത്ത healthy adults-ൽ routine Vitamin D blood testing ശുപാർശ ചെയ്യുന്നില്ല. 25-hydroxyvitamin D [25(OH)D] ആണ് Vitamin D status വിലയിരുത്താൻ ഉപയോഗിക്കുന്ന പ്രധാന blood test.
അതായത്:
“Vitamin D test എല്ലാവരും വർഷത്തിൽ ഒരിക്കൽ ചെയ്യണം” എന്നത് ശരിയായ പൊതുവായ നിയമമല്ല.
എന്നാൽ Vitamin D deficiency സംശയിക്കാവുന്ന clinical സാഹചര്യങ്ങളിൽ ഡോക്ടർ പരിശോധന നിർദേശിക്കാം.
6.Vitamin D tablet സ്വയം കഴിക്കാമോ?
Vitamin D ഒരു vitamin ആണെങ്കിലും “കൂടുതൽ കഴിച്ചാൽ കൂടുതൽ ആരോഗ്യം” എന്ന ആശയം ശരിയല്ല.
അമിതമായി Vitamin D ഉപയോഗിക്കുന്നത് calcium level ഉയരാനും kidney stones ഉൾപ്പെടെയുള്ള പ്രശ്നങ്ങൾക്കും കാരണമാകാം. അതിനാൽ high-dose Vitamin D ചികിത്സ medical advice അനുസരിച്ച് മാത്രമേ ചെയ്യാവൂ.
പ്രത്യേകിച്ച് 60,000 IU പോലുള്ള high-dose preparations സ്വമേധയാ തുടർച്ചയായി കഴിക്കുന്നത് ഒഴിവാക്കണം.
7. വിറ്റാമിൻ D അമിതമായി കഴിക്കുന്നത് (Hypervitaminosis D).
വിറ്റാമിൻ D അമിതമായി കഴിക്കുന്നത് (Hypervitaminosis D) ശരീരത്തിൽ കാൽസ്യം അമിതമായി ഉയരാൻ (hypercalcaemia) കാരണമാകാം. ഇതിന്റെ ഫലമായി ഓക്കാനം, ഛർദ്ദി, മലബന്ധം, അമിത ദാഹം, ഇടയ്ക്കിടെ മൂത്രമൊഴിക്കൽ, വിശപ്പില്ലായ്മ, ക്ഷീണം, പേശി ബലഹീനത എന്നിവ ഉണ്ടാകാം. ഗുരുതരമായാൽ വൃക്കക്കല്ല്, വൃക്ക പ്രവർത്തന തകരാർ, ഹൃദയ താളത്തിലെ വ്യതിയാനങ്ങൾ എന്നിവയ്ക്കും സാധ്യതയുണ്ട്.
അതിനാൽ ഡോക്ടറുടെ നിർദേശമില്ലാതെ ഉയർന്ന ഡോസ് വിറ്റാമിൻ D ദീർഘകാലം ഉപയോഗിക്കരുത്; പ്രത്യേകിച്ച് 60,000 IU പോലുള്ള high-dose preparations ആവർത്തിച്ച് കഴിക്കുമ്പോൾ രക്തത്തിലെ 25(OH)D, calcium എന്നിവ ആവശ്യാനുസരണം പരിശോധിക്കുന്നത് സുരക്ഷിതമാണ്.
8.ദിവസവും കഴിക്കുന്നതോ ആഴ്ച/മാസത്തിൽ ഒരിക്കൽ high dose എടുക്കുന്നതോ?
Vitamin D treatment ആവശ്യമായ 50 വയസ്സിന് മുകളിലുള്ളവരിൽ, 2024 Endocrine Society guideline intermittent high-dose-നെക്കാൾ daily, lower-dose supplementation മുൻഗണന നൽകുന്നു.
എന്നാൽ ഇതിനർത്ഥം deficiency ഉള്ള എല്ലാവർക്കും ഒരേ dose മതിയെന്നല്ല. Deficiency treatment dose വ്യക്തിയുടെ clinical situation അനുസരിച്ച് ഡോക്ടർ തീരുമാനിക്കണം.
9.ഭക്ഷണത്തിൽ നിന്ന് Vitamin D ലഭിക്കുമോ?
Vitamin D ലഭിക്കുന്ന ഭക്ഷണങ്ങൾ പരിമിതമാണ്.
Fatty fish
Egg yolk
Vitamin D fortified milk/foods
ചില fortified cereals
എന്നിവ സഹായകരമാണ്.
എന്നാൽ പലർക്കും ഭക്ഷണത്തിലൂടെ മാത്രം ആവശ്യമായ Vitamin D ലഭിക്കുന്നത് ബുദ്ധിമുട്ടാണ്.
10. വിറ്റാമിൻ D യുടെ പ്രധാന രൂപങ്ങൾ.
വിറ്റാമിൻ D പ്രധാനമായും രണ്ട് രൂപങ്ങളിലാണ് കാണപ്പെടുന്നത്:
വിറ്റാമിൻ D₂ (Ergocalciferol) — പ്രധാനമായും സസ്യങ്ങളിലും ഫംഗസുകളിലും കാണപ്പെടുന്നു.
വിറ്റാമിൻ D₃ (Cholecalciferol) — സൂര്യപ്രകാശം ലഭിക്കുമ്പോൾ നമ്മുടെ ചർമ്മത്തിൽ നിർമ്മിക്കുന്നു. മാത്രമല്ല മത്സ്യം, മുട്ട തുടങ്ങിയ മൃഗജന്യ ഭക്ഷണങ്ങളിൽ കാണപ്പെടുന്നതുമാണ്.
ശരീരത്തിൽ ഇവ രണ്ടും കരളിലും വൃക്കകളിലും മാറ്റങ്ങൾക്ക് വിധേയമായി സജീവ രൂപമായ Calcitriol [1,25-(OH)₂D] ആയി മാറുന്നു. 25-hydroxyvitamin D [25(OH)D, Calcidiol] ആണ് ശരീരത്തിലെ വിറ്റാമിൻ D നില വിലയിരുത്താൻ സാധാരണയായി രക്തത്തിൽ പരിശോധിക്കുന്ന പ്രധാന രൂപം.
11. വിറ്റാമിൻ D — ഡോസും നൽകുന്ന രീതിയും.
ആദ്യം വിറ്റാമിന് ഡി യുടെ കുറവ് ഉണ്ടോ എന്ന സ്ഥിരീകരിക്കുക. സാധാരണ ചികിത്സയായി Cholecalciferol 60,000 IU ആഴ്ചയിൽ ഒരിക്കൽ 6–8 ആഴ്ച. തുടർന്ന് 1,000–2,000 IU പ്രതിദിനം. അല്ലെങ്കിൽ അനുയോജ്യമായ maintenance dose.
വിറ്റാമിൻ D യുടെ ഡോസ് പ്രായം, രക്തത്തിലെ 25(OH)D നില, ശരീരഭാരം, വൃക്ക/കരൾ പ്രവർത്തനം, മറ്റ് രോഗാവസ്ഥകൾ എന്നിവ അനുസരിച്ച് തീരുമാനിക്കണം.
മുതിർന്നവരിൽ 600–800 IU (15–20 µg) പ്രതിദിനം maintenance ആവശ്യകതയായി കണക്കാക്കാം.
കഠിനമായ VITAMIN D കുറവ്, malabsorption, obesity, CKD തുടങ്ങിയ സാഹചര്യങ്ങളിൽ ഡോസ് വ്യക്തിഗതമായി ക്രമീകരിക്കണം.
ഭക്ഷണത്തോടൊപ്പം, പ്രത്യേകിച്ച് കൊഴുപ്പ് അടങ്ങിയ ഭക്ഷണത്തോടൊപ്പം കഴിക്കുന്നത് ആഗിരണം മെച്ചപ്പെടുത്തും.
ദീർഘകാലം ഉയർന്ന ഡോസ് നൽകുമ്പോൾ serum calcium, 25(OH)D എന്നിവ നിരീക്ഷിക്കുന്നത് ഉചിതമാണ്.
12. Vitamin Dയും എല്ലുകളുടെ ആരോഗ്യവും.
വിറ്റാമിൻ Dയുടെ പ്രധാന പങ്ക് എല്ലുകളുടെ ആരോഗ്യത്തിലാണ്. എന്നാൽ വിറ്റാമിൻ D മാത്രം മതിയാകില്ല.
കാൽസ്യവും ആവശ്യമാണ്. ആവശ്യത്തിന് പ്രോട്ടീനും കഴിക്കണം. കൂടാതെ, പതിവായി വ്യായാമം ചെയ്യണം. ശരീരഭാരം വഹിച്ചുള്ള വ്യായാമങ്ങൾ നല്ലതാണ്. പേശികളുടെ ശക്തി കൂട്ടുന്ന വ്യായാമങ്ങളും പ്രധാനമാണ്.
പ്രത്യേകിച്ച് പ്രായമായവരിൽ ഇവയെല്ലാം ഒരുമിച്ച് ശ്രദ്ധിക്കണം. അങ്ങനെ എല്ലുകളുടെയും പേശികളുടെയും ആരോഗ്യം മെച്ചപ്പെടുത്താം.
അതേസമയം, വിറ്റാമിൻ D മാത്രം കഴിച്ചാൽ ഓസ്റ്റിയോപൊറോസിസ് (OSTEOPOROSIS)തടയാനാകില്ല. എല്ല് പൊട്ടാനുള്ള സാധ്യത പൂർണമായി ഒഴിവാക്കാനും കഴിയില്ല.
13.വിറ്റാമിൻ Dയും സന്ധിവേദനയും.
“വിറ്റാമിൻ D കഴിച്ചാൽ ആർത്രൈറ്റിസ് മാറും” എന്ന ധാരണ ശരിയല്ല.
വിറ്റാമിൻ D കുറവുണ്ടെങ്കിൽ(Vitamin D Defficiency) അത് പരിഹരിക്കണം. കാരണം, എല്ലുകളുടെയും പേശികളുടെയും ആരോഗ്യത്തിന് വിറ്റാമിൻ D പ്രധാനമാണ്.
എന്നാൽ ഓസ്റ്റിയോആർത്രൈറ്റിസ്, റുമറ്റോയ്ഡ് ആർത്രൈറ്റിസ്, ഡിസ്ക് രോഗങ്ങൾ എന്നിവയുടെ പ്രധാന ചികിത്സ വിറ്റാമിൻ D അല്ല. അതിനാൽ, സന്ധിവേദനയുടെ യഥാർത്ഥ കാരണം ആദ്യം കണ്ടെത്തണം. തുടർന്ന് അതിനനുസരിച്ചുള്ള ചികിത്സ സ്വീകരിക്കണം.
14. ആരൊക്കെയാണ് കൂടുതൽ ശ്രദ്ധിക്കേണ്ടത്?
Vitamin D inadequacy ഉണ്ടാകാനുള്ള സാധ്യത കൂടുതലുള്ളവരിൽ:
എന്നിവർ ഉൾപ്പെടുന്നു.
ഒടുവിൽ — വിറ്റാമിൻ Dയെക്കുറിച്ച് ഓർക്കാം, 5 കാര്യങ്ങൾ.
1. വിറ്റാമിൻ D എല്ലുകൾക്ക് മാത്രമല്ല.
എല്ലുകളുടെയും പേശികളുടെയും ആരോഗ്യത്തിന് വിറ്റാമിൻ D പ്രധാനമാണ്.
2. കേരളത്തിൽ വെയിലുണ്ടല്ലോ, പിന്നെ വിറ്റാമിൻ D കുറയുമോ?
കുറയാം. ധാരാളം വെയിലുള്ള കേരളത്തിലും വിറ്റാമിൻ D കുറവ് കാണപ്പെടുന്നു.
3. എല്ലാവരും വിറ്റാമിൻ D ടെസ്റ്റ് ചെയ്യണോ?
വേണ്ട. എല്ലാവരും പതിവായി രക്തത്തിലെ വിറ്റാമിൻ D പരിശോധിക്കേണ്ട ആവശ്യമില്ല.
4. സ്വയം ഉയർന്ന ഡോസ് കഴിക്കാമോ?
വേണ്ട. ഉയർന്ന ഡോസിലുള്ള വിറ്റാമിൻ D അനാവശ്യമായി കഴിക്കുന്നത് ദോഷകരമാകാം. ഡോക്ടറുടെ നിർദേശപ്രകാരം മാത്രം ഉപയോഗിക്കുക.
5. എല്ലുകളുടെ ആരോഗ്യത്തിന് വിറ്റാമിൻ D മാത്രം മതിയോ?
മതിയാകില്ല. കാൽസ്യം വേണം. ആവശ്യത്തിന് പ്രോട്ടീൻ കഴിക്കണം. പതിവായി വ്യായാമം ചെയ്യണം. ആരോഗ്യകരമായ ശരീരഭാരം നിലനിർത്തണം. വീഴ്ചകൾ ഒഴിവാക്കാനും ശ്രദ്ധിക്കണം.
ഓർക്കുക: വിറ്റാമിൻ D പ്രധാനമാണ്. പക്ഷേ ആരോഗ്യമുള്ള എല്ലുകളും ശക്തമായ പേശികളും ഉണ്ടാകാൻ സമഗ്രമായ സമീപനമാണ് വേണ്ടത്.
ഡോക്ടറുടെ സന്ദേശം:
Vitamin D ഒരു “magic vitamin” അല്ല. അതുപോലെ തന്നെ അത് അവഗണിക്കേണ്ട ഒന്നുമല്ല.
ശരിയായ വ്യക്തിയിൽ, കാരണം കണ്ടെത്തി, ആവശ്യമായ അളവിൽ Vitamin D നൽകുന്നതാണ് ഏറ്റവും നല്ല സമീപനം.
ഈ ലേഖനം പൊതുവായ ആരോഗ്യവിദ്യാഭ്യാസത്തിനുള്ളതാണ്. വ്യക്തിഗത Vitamin D പരിശോധനയോ ചികിത്സയോ ആവശ്യമാണോ എന്ന് നിങ്ങളുടെ ഡോക്ടറുമായി ചർച്ച ചെയ്യുക.
Dr. Santhosh Babu M R, Senior Consultant(Physical Medicine & Rehabilitation
Diabetes & Musculoskeletal Health).
